2 Samuel 10
Davidna Amonishing Aramishingbu maaythiba piba
1 Matamsimaktada Amongi ningthou Nahas nonggarammi amasung mahaakki mahutta machaanupa Hanunna ningthou oikhi.
2 Davidna haayrammi, "nahaski machaanupa Hanunbu eina lunaa toubigani maramdi mahaakki mapaana eigaa achetpa mari thamlammi." maramsina Nahas shiba matamda Davidki manaai thaaduna nungaaitaba phongdokkhi. Davidki manaaishingna Amonshinggi lamda laaklammi.
3 Adubu Amonishinggi luchingbashingna ningthouda asumna haayrammi, " eninthou, Davidki manaaishingsi eningthougi napaabung shibagi nungaaitaba phongdokpa laakpani haayna ningbra? Davidna manaaishingsi eningthougi leibaaksigi achik akom yenglunaba thaarakpa oiramgani."
4 Maramsina Hanunna Davidki manaaishingdubu phaaduna makoi tangkhay amam-mam aduga shetliba phiduna makhwaangda kakthatlaga thaakhirammi.
5 Mayumda hallakpa matamda makhoy mamaay phiruk khumkhi. Waaphamsi taabada Davidna makhoybu oknaba mi thaarammi. maasida ningthouna haayrammi, "nakhoygi nakoidu mapung phaadriba phaaoba Jerichoda leiyu. Nakoidu chomlaba matamda maphamsida hallak-u."
6 Amonishingna Davidki maphamda laankhre haaybasi khanglaklabada Amongi mi thaaduna Beth-Rehob amadi Zobahda leiba Aramishingbu waairammi. Haayriba ningthoushingsidagi khong laanmi 20,000 Aduga Maakahgi ningthoudagi laanmi 1,000 Aduga Tobtagi mi 12,000 waairammi,
7 Davidna paaosi taabada Joabki luching makhaada laanmi loina thaarammi.
8 Amonishingna shem shaaraduna Rabahgi thonggalda thenduna leirammi aduga Zobah amadi Rehobki Aramishingna Tob amadi Maakahgi mishingga loynanaa ahaangba maphamshingda leirammi.
9 Mamaang amadi maninglomdagi yeknabashingna taksillakkadouri haaybasi khanglabada Joabna Israelgi manungdagi khan-gatlaba mi kharabu Aramishingga khubei amaa phaaoba lengdana laanthengnanaba sindo klammi.
10 Laanmi ateiduna mahaakki manaaonupa Abisaigi luching makhaada thaarammi aduga mahaakna chingliba kaangluptuna Aramishinggi mayokta laanthengnanaba shemshaarammi.
11 Mahaakna tanjaduda haayrammi, "eiga Aramishingga lanba paaba matamda makhoyna karigumba khara laakchagadouba oirabadi nahaakna eigi eteng pangnaba laanmi thomjillakkadoubani.
12 Nathouna leiyu. Eikhoygi Eeshor amadi eikhoyna leiriba saaharduda leihouriba mishingdugidamak eikhoyna nupaa thokpa thabak tougadabani. Asumna tourabatada Eeshorgi ningbadu paangthokpa oigadouribani.
13 Maasi haaynaduna Joab amadi mahaakka loynariba laanmishingduna Aramishingga laanthengnanaba shem shaakhi. Makhoyna taksillakpada Aramishingdu khaangba ngamdaduna makhoygi mamaangda chenkhi.
14 Amonishingnasu Aramishingna chenbadu ubada Abisai taanna chenkhiduna saaharda then shaaduna amuk leikhi. Masigi matungda Joabna Amonishingga laanthengnabadu toklaga Jerusalemda hankhi.
15 Aramishingna Israelgi makhutta maaythire haaybasi khanglabada Amukka haanna makhoygi laanmi punshinba hourammi.
16 Euphrate turelgi waangmada leiriba Aramishingdu mi thaaduna Hadadezerna khomjinkhi. Hadadezergi laanmigi luchinglen Sobakna chingduna makhoy Helam taanna laakkhi.
17 Waaphamsi Davidki manaakong yourabada Israelgi mishingbusu mahaakna khomjinba houkhi. Makhoyna Jordan laanduna Helam taanna laakkhi. Aramishingna Davidki mayokta laan thengnakhi.
18 Aramishingdu Israelgi mishinggi mang thaaduna chennakhi. Davidna Aramishinggi shagol gari thouba 7,00 Haatkhi. Mahaakna makhoygi laanmi 40,000 Amasu haatkhi. Makhoygi laanmigi luchinglen Sobak yaamna thina shokpa maramna khudaktumaktada maphamduda shikhi.
19 Hadadezergi makha ponduna leiramba ningthoushingna Hadadezerbu Israelgi ningthouna maaythiba pire haaybasi khanglabada makhoyna Israelga engthana leinanaba waa ngangnakhi. Adugumba leibaakshingdu Israelgi lamgi ngamkheida leire haayna yaarammi. Maramsidagi Aramishingna Amonishingbu amuk haanna mateng pangba kikhi.