Ezekiel 6
Eeshorna murti latpa yaadaba
1-2 Eeshorna eingonda haaybikhiba waashing: nupaa, Israelgi chinglomda namai ollo. Makhoygi mayokta waa khara phongdok-u.
3 Haayyu, " Israelgi loibi chingshaang, taajaro, Eeshorgi yawaadu. Loibi chingshaang amadi chingdumshingda, Eeshorna asumna taakpiri: taakpiri Ebungngona lokchap amadi tampaakshingda: yeng-u, nakhoygi nathakta eina thanggi jaagoi sahn-gani. Eina nakhoygi nathakta sariba ashengba maphamshingdu tumna maanghan-gani.
4 Nakhoygi phaankhongshingdu karisu kannaroi. Nakhoyna dhup thajariba phaankhongshingdusu thugaaygani. Nakhoygi narakta ashibashingdu nakhoygi laai murtishingdugi mamaangda hundokkani.
5 Israelgi ashibaa mishinggi mashaadu makhoygi laai murtigi mamaangda hundokkani. Nakhoygi phaankhongshingdugi mamaangda nakhoygi sarushingdu thambigani.
6 Nakhoyna leiruba mapham khuding leikangla oihan-gani. Nakhoygi ashengba maphamshingdu tumna maanghan-gani. Adu oirabadi nakhoygi phaankhongshingdu tumna manglagani. Aduga nakhoygi laai murtishingdu thugaaykhragani. Nakhoyna dhup thaariba phaankhongshingdusu kaaygani. Nakhoyna touba thabakshingdusu kannaroi.
7 Ashibashingdu nakhoygi narakta taaduna leigani. Matamduda nakhoyna eisi Eeshorduni haayba khanggani.
8 Adubu eina nakhoy kharabu hinghan-gani. Thanggi mayadagi nakhoygi narakta khara naanthoktuna atoppa Jaatshinggi marakta leikhraba matam, leibaak leibaak shinba thungna nakhoybu chaikhaairaba matamduda
9 Nakhoybu loi oinaa puhankhiduna eina jaat ateigi marakta chaikhaaykhrabashingdudagi kharana eibu ningshinglakkani, matamduda eibu thaadokpa ngamba makhoygi pukningdu thugaaybigani. Makhoygi laai murtigi matung elliba mishingdunasu eina ngamnamak tanghn-gani. Makhoyna toukhiba paapshingduna makhoygi mamitta potlum oinaa ugani. Haayribasi makhoyna toukhiba phattaba thabakshingdugi maheini.
10 Matamduda makhoyna eisi Eeshorduni haayba khanggani. Khanggani makhoyna matamduda eina makhoygi mathakta thok-han-gni haaykhiba awaabashingdu arembada panghai haayba natte.
11 Eeshorna asumna taakpiri: Khubaak khuro, nakhong thillu. Aduga haayyu "onthokpanida. Israelgi emung manungna toukhiba tukka chaaraba thabakshingduna maram oiraduna makhoy thanggi mayada chatkani. Chaak tangba nanggani. laaichatna makhoybu yeithugani.
12 Athaappa maphamda leibashingdusu laaichat thok-handuna shigani. Anakpada leiba miduna thanggi mayada taagani. maasida sihoudabaduna chaak tangmanbadagi chadaduna shigani. Matou asumna eigi ashaaobadu meimutkani.
13 Makhoygi marakta ashibashingduna makhoygi laai murti leiriba maphamshing, phaankhonggi akoyba, chingda leiriba ashengba maphamshing, chingdonshingda, ashengba ugi ukhada, manaa phajanaa paanba uyung panbi makhaada, makhoyna manam nungshiba dhup thaaduna ningjariba laai murtishinggi manaakta taaduna leiba matamda eihaak Eeshorni haayna makhoyna khanggani.
14 Eina makhoygi mathakta ekhutsi tingthokkani. Makhoyna leiba maphamshing lamjaao lamhaang leiribadudagi louraga Diblath youba phaaoba leikangla oihan-gani. Matamduda makhoyna eisi Eeshorni haayba khanggani.