1 Corinthians 9
Paulna masagi phangpham thokpa thadokpagi pandam; mishingbu Christada pusinba ngamnaba mathawai luppa; lamjenda hoinaba khutchel
9 Ei iningtamba nattra? Ei pakhonchatpa ama nattra? Eina Jesus eikhoigi Prabhubu ukhraba nattra? Prabhugi marida nakhoi eigi thabakki mahei nattra? 2 Ateisingdadi eina pakhonchatpa oidrabasu, nakhoidadi eina oijaribamakni; maramdi eigi pakhonchatpa oijabagi chum adudi Prabhugi marida nakhoi oiribani.
3 Eibu chang yengbasingda eigi ngakthokchanaba wa asini: 4 Chana-thaknaba eikhoigi itik leitrane? 5 Pakhonchatpa ateising, Prabhugi manaosing amasung Cephas, makhoiga mannana eikhoigi thajabi nupi punanaba itik leitrane? 6 Aduga thabak suba toknanaba ei amasung Barnabasgimakta matik leitrane? 7 Kanana karigumbada mahakki marannaina lanmigi thabak touba leibage? drakha ingkhol koiraga madugi mahei chadaba kana leibage? Aduga yao shanggu yoklaga shanggu adugi makhom chadaba kana leibage?
8 Eina mioibagi machat matung inna asi khibik ngangbra? Aduga wayel yathang adunasu asi khibik haidabra? 9 Maramdi Mosesgi wayel yathang aduga masi ikhrabani, phou nethathalliba sallababu nangna machin punpharoi. Ishorna sallabasinggi damak ningba oibra? 10 Nattraga eikhoigi maramgi damak aoibamakna haibra? Hoi, eikhoigi maramgi damak masi ikhre, maramdi lou khoiriba aduna saruk phangminnagani haiduna khoigadabani, aduga phou nethariba aduna saruk phangminnagani haiduna nethagadabani.
11 Eikhoina nakhoida thawaigi oiba maru hunkhraga, eikhoina nakhoigi hakchanggi oiba mahei loklagadi, madu aruba thabakla? 12 Ateisingna nakhoigi nathakta matik asi saruk phangminnarabadi, eikhoinadi amuk henba nattra? Adum oinamakpu eikhoina matik asi sijinnade, adubu Christagi aphaba wapaoda apanba thok-handananaba, hiram pumnamak eikhoina khangi.
13 Asengba potki maramda thougan touriba makhoina Ishor ningnashanggi pot adu chai haiba, amasung latnapung manakta thougalliba makhoina latnapungga loinana saruk phangminnei haiba nakhoina khangdabra? 14 Adugumduna aba wapao sandokpa makhoina aphaba wapaogina hinggadabani haiba Prabhunasu sinbire.
15 Adubu eina machatsing asi isi sijinnade, aduga eigidamak asum tounanaba eina wa khibik asi iba natte. Maramdi kanagumbana eigi chaothokchaba aremba oihangadabadagi eigi damak sibana phei. 16 Maramdi eina aphaba wapao sandoklabadi, eigi chaothakpham leite; Maramdi tangaiphadaba ithakta lei. Maramdi eina aphaba wapao sandoktrabadi, eingonda awabanida! 17 Maramdi eina eimakki apambana asi tourabadi eigi mana lei, adubu eimakki apambana nattrabadi eingonda dewan-gi thabak sinnabire. 18 Adunadi eigi mana karino? Aphaba wapaoda eigi itik adu suna sijinnadaduna, eina sandokpada atoumal yaodana eina aphaba wapao sandokpa aduni.
19 Maramdi eina punmamaktagi iningtamba oijarabasu, eina mi henna tongjananaba, ei isabu pumnamakta minai oihadjei. 20 Amasung Jewssingbu tongjananaba, eina Jewssingda Jewsgumba oijarakle; Wayel yathanggi makha ponna leibasingbu eina tongjananaba, ei isana wayel yathanggi makha ponjadrabasu, wayel yathanggi makha ponbasingda eina makha ponbagum oijarakle. 21 Wayel yathanggi mapanda leibasingbu eina tongjananaba, Ishorgi wayel yathanggi mapanda leiba oidaduna, Christagi wayel yathanggi makha ponba eina wayel yathanggi mapanda leibasingda mapanda leibagum oirakle. 22 Eina asonbasingbu tongjananaba, asonbasingda asonba oirakle; eina pambei pumnamakna mi kharabu kanbinanaba mi pumnamakta eina pumnamak oirakle. 23 Amasung eina aphaba wapaogi saruk phangminnaba oinanaba, madugi maramgi damak eina pumnamak toui.
24 Lamjel tannaba pumnamakna chellaga amatana mana phangi haiba nakhoina khangdabra? Nakhoina soidana phangnanaba adugumna chellu. 25 Aduga tannabada ngamnaba hotnariba mi khudingna maram pumnamakta masa khudum channaba toui. Adubu makhoinadi mangba yaba kokthon phangnanaba toui, eikhoinadi mangba yadaba adu phangnanaba toubani. 26 Maram aduna eina areppa khangdabagum oidaduna, asumna chenbani; mahada yeidabagum eina asumna soknabani. 27 Touigumsung eina ateisingda pao sandoklaga, ei isamak karigumba yadaba oirakpa yai haiduna eina eigi hakchangbu cheipham piduna minai oina chingjei.