Ezekiel 11
Jerusalembu marai chaithaarakpa
1 Thawaayduna eigaa loinabiduna Eeshorgi ningnashanggi nongpok thangba sannathong mamaay nongpok ollibaduda pubira klammi. Yeng-u, sannathonggi thonggaldumaktada nupaa kunmanga leirammi. Makhoygi marakta eina Azzurgi machaanupa Jaazaniah, Benaiahgi machaanupa Pelatiah leibaaktuda leiriba ningthou machaashingnachingba urammi.
2 Mahaakna eingonda haayrammi, "nupa, asida leiriba mishingsini phattaba thabak paangthoknabagidamak khujin thouraang touriba. Mishingsini saaharsida leibashingbu phattaba paaoutaak piriba.
3 Makhoyna haay, "yum shaagadaba matamdu houkhre. saaharsi achouba khang amagumbani. Aduga eikhoyna maasida yaaoriba shadonggumbani.'
4 Maramsina he nupaa, makhoygi mayokta waa takthok-u."
5 Eeshorgi thawaayduna eigi ethakta ethin pirammi. Mahaakna eingonda haayrammi, "makhoyda haayyu, "Eeshorna asumna taakpiri: he Israel machasa, nakhoygi napukningda ninglibadu eina ningthina khang-e.
6 Nakhoygi narakta ashibashinggi mashing yaamna saaharsigi manungda thokhalle. ashibaa mashatana saaharsigi lambisi thalhalle.
7 Maramsina Eeshorna asumna taakpiri: saaharsida nakhoyna hattokpa mishingdugi mashaaduna thongadouriba shadongni aduga saaharsina oiri achouba khangdu. Adubu masigi manungdagi nakhoybu khonggoinagani.
8 Nakhoyna thaangshaang kiri. Eeshorna taakpiri eina thaangshaangdu nakhoygi nathakta taahangani.
9 Masigi manungdagi nakhoybu puthoktuna khonggoinagani. Pithokkani nakhoybu lamlaanbashinggi makhutta. Nakhoygi nathakta eina waayel taagani.
10 Nakhoy thanggi mayada chatkani. Israelgi ngamkheigi aroibaduda nakhoybu bichar toubigani. Matamduda nakhoyna eisi Eeshorduni haayba khanggani.
11 saaharsi nakhoybu ngougadouriba achouba khangdu oihalloi. Masigi marakta nakhoy shadongdusu oihalloi Israelgi ngamkheigi aroibaduda nakhoybu eina bichar toubigani.
12 Matamduda nakhoyna eisi Eeshorni haayba khanggani. Nakhoyna eigi niyam ain, matung ennaa chatre. Ahoinadum nakhoygi akoybada leiriba Jaatshinggi niyam matung ennaa chatchari.
13 Eina asumna waa phongdoktuna leiringei matamda Benaiahgi machaanupa Pelatiah nonggabagi paao laaklammi. Matamduda eina emaaysi luktharaduna khonjen houna tengthaajarammi matangduda eina haayrammi, "Eeshor, Israelgi eremkhakshingsi Ebungngona tumna manghanbiragadra?"
Loida chatkhibashingdubu mapuna nungshiba utpa
14 Matamduda Eeshorna eingonda waa haaybirammi,
15-16 "He nupaa, nahaakki nachin nanaaoshing, nahaakki ee tinnabashing, loida chatkhribashing, Israelda leiribashinggi matangda Jerusalemda leiriba mishingna asumna haaykhiba nattra makhoydi Eeshordagi lamdam tamna chatkhre. Pinabire maramsina leibaaksi eikhoygi oinaba, " maramsina makhoyda haayyu, asumna taakpiri Eeshorna: Eina makhoybu Jaatshinggi marakta thaapna taanthokkhrabasu, leibaakshing shinba thungna Makhoybu eina enthokkhrabasu makhoyna leiruriba maphamshingduda eina Makhoygi damak ningnashang oinaa leikhi matek amadi.
17 Maramsina nakhoybu eina punshinbigani. Nakhoybu choijaainana taahalliba leibaakshingdudagi amuk haanna tasinbigani. Aduga nakhoyda Israelgi mishinggi lamsi pigani.
18 Aduga makhoyna maphamsida laakpa matamda maphamsida leiriba amotpa shengdaba tukkachabagi mashak oiraba potshingsi shengdokkani.
19 Matamduda eina pigani makhoyda anouba thamoi amaa pigani maduda anouba thawaay ama. Makhoygi shadongna yomsilliba nungumna kallaba thamoidu eina louthoktuna athotpa thamoi amaa pinabigani.
20 Matamduda makhoyna eina piba niyuam, eigi yaathangnachingba ennaa chatkani. Makhoy eigi mishingni haayna khangnagani aduga eihaak makhoygi Eeshor oigani.
21 Adubu aremba potshingda mitaba, tukka chaaraba potshingda khamdaba mishingdudi makhoyna toujaba thabakki maheidu makhoygi makokta taahangani. Masimak Eeshorna taakpiribani. "
22 Kangkhongshingdu nakanda yalladuna cherubimshingdu maalemsidagi paaykhatpa hourammi. Israelgi Eeshorgi matik mayaaidu makhoyda ngaanthoirammi.
23 Saahardugi mayaaimaktagi Eeshorgi matik mayaaidu nganthoraktuna saahardugi Nongpoklomda leiriba chingshaangduda leitengba houraklammi.
24 Thawaay amanaa eibu chingbiduna kaldinda leiriba loi oinaa chatkhiba mishingdugi manaakta purakrammi. Haayribasi Eeshorgi thawaaydugi matengna Shangshangnana uhanbikhibani masigi matungda eina Shangshangna urambadu mangkhre.
25 Eeshorna eingonda uhanbikhibashingdu loi oinaa leiriba mishingduda tamlammi.