Ezekiel 17
Angur paambi amadi achouba uchekki praman
17 Eesor-na eingonda haaybikhiba waasing: 2 He nupaa, paaokhong amaa chatlu. Israelgi misingna paaoutaak yaaoba waari amaa libiyu. 3 makhoyda haayyu, mapu ebungngo Eesor-na asumna taakpiri: Matok asangba panba, apaakpa masa phandoktuna makhal makhaagi machuna leitengba achouba uchek amaa Lebananda laaktuna deodar paambigi matonda phamlare. 4 Mahaakna Khwaaidagi waangba masa machaa amaa thektuna lalon-itik touba maphamda pukhre. Lalonba yaamna leiba sahar amada haayribasi tham-khi. 5 Masigi matungda mahaakna leibaaksidagi mahei maronggi marudu puduna leihao leiraba mapham amada thaakhi. Mahaakna maadubu laaija eesingna maraang kaina leiriba maphamduda ningthina thaakhi. Oihankhi mahaakna maasibu tekkandaba ugi usaagumna. 6 maasi maton chonglaaktuna manaa pakna sando-kpa angur paambi oirakle. Masigi haitharakliba masasingdu mapaanda haidokte. Marudu lengba leite. asumna maasi angur paambi amaa oirakle adugaa masa mareng pallakke. Chonglakle maton ngamnamak. 7 adubu atoppa achouba uchek apaakpa masa panba, matu yaamna houba amaa leirammi. Yeng-u, mathakta haikhriba angursina mahaakki maaykeida nonthei. Mahaakna laaija eesing chaibinaba haayduna masasingdu masigi maaykeida tutharammi. maasibu haanna thaakhiba maphamdudagi. 8 Mahaakna laaija eesing yaamna leiba leihao phaaba mapham amda hongdokpire. masa mareng phandoktuna mahei marong yaamna maraang kaina panduna phajaraba paambi amaa oiraknaba thouraangbire. 9 makhoyda haayyu, "mapu ebungngo Eesor-na asumna taakpiri: maasibu chaaokhatpa naigadra? Mahaakna asumna touraba matungda masigi manaadu khuitharakloidra? Masigi marudu phukpa matamda mapaanggal kanba mi nattraga miyaam changningai leite. 10 Yeng-u, maasibu mapham hongdokpaduna maasi chaaokhat-kadra? Nongpok haramdagi sitlakpa nungsit laakpa matamda maasi ngamnamak khuiroidra? Ptthakhigani masina haanna houramba maphamduda.
Pramandu saandokna takpa
11 Eesor-na eingonda taakpikhi: 12 Lamket lamhaiba misingsida houjikti haairo: Haayriba waasinggi waa machangdu nakhoy khangdribara? makhoyda haayyu, yeng-u, Babylon-gi ningthou Jeru-salemgi mayokta laakkani. leibaaksigi ningthou amadi ningthou machaasingbu mahaakna Babylonda pukhigani. 13 Mahaakna mayaamdugi marakta amabu loukhattuna areppa waasak lounagani. Mahaakpu waasak amagi makhaada thamgani. (Leibaksida leiba maru oiba misingdu mahaakna loina pukhigani. 14 masina leibaaksi marai haigatpa ngamloi. mi khudingmak marai lukkani. maramsina mahaakki areppa waasaktu lengdana leigani) 15 adubu mahaakna Babylon-gi ningthougi mayokta Egypt leibaakta Rajdut thaaduna lanhougani. Mahaakna Egypttagi sagol amadi laanmigi mateng lounaba hotnagani. masina mahaak mamaay paakpa ngamgadra? asigumba thabak touba nupaadu naanthokpa ngamgadra? Mahaakna areppa waasaktu thugaayduna naanthokpa nagmgadra? 16 Eesor-na taakpiri eigi etik egunduna sakhinu, mahaakpu ningthou oinaa sembikhiba, waasak amagi makhaada mahaakpu leihan-khiba adugaa mahaakna ngamnamak waasak thugaaykhiba, thugaaykhiba areppa waasaktugi maramdagi mahaak Babylonda sigani. 17 Laanda Pharaoh amadi mahaakki achouba laanmi singna mahaakpu mateng pang-biroi. Laanban saaduna laansang saraba matamda mahaakna tengbangloi. 18 Waasak amadi ateppa waareptu thugaayba maramna, mahaakna makhut tingthokhrabasu waasak thugaayduna hongkhrabanina naanthokpa ngamloi. 19 maramsina mapu ebungngo Eesor-na asumna taakpiri: eigi etik eyaaina sakhini asengbamak mahaakna eigi waasak adugaa areppa waarepnakhibadu thugaayba maramna maadugi maheidu makokthakta tahan-gani. 20 eigi langdu mahaakki mathakta saandokkani. eigi langda mahaak soydana thugani. eigi mayokta mahaakna toukhiba araanba thagaksingsina maram oiduna Babylonda mahaakpu puduna waayelgani. 21 mahaakki laanmigi khan-gatlabasingdu thanggi mayada taagani. Hinghouriba misingdu nonglei nungsitna humduna pukhigani. Matamduda nahaakna Eesor oiriba Eina haaykhiba waasingdu ningsinggani."
Mapuda changjaba
22 mapu ebungngo Eesor-na taakpiri: Ei isamakna awaangba deodar pamgigi maton amaa puduna thaagani. Matonda paalliba masasingdugi maraktagi yaamna nouriba amaa thekkani. eihaak isamakna maasibu awaangba loibi chingda thaagani. 23 Israelgi awaangba loibi chingdonda eina maasibu thaagani masina masa mareng yaamna paan-gani adugaa mahei yaamna panduna phajaraba deodar paambi oinaa houhn-gani. Masigi makhaada saa pumnamak thupkani. Masigi masasingduda tonganiucheksingna mahum saduna. 24 Loubukta houriba usingna Eesor oiriba eina makhoybu nemhalle haayba khanggani. Anemba udubu ngamnamak waanghalli. asangba udubu kanghalli. akangba udusu manaa isang sanghalli. Eesor oiriba eina haayriba-singsi phongdokkhrabanina soydana paangthokkani."