Leviticus 24

Thaomei Sennabagi niyam 

(Khong 27:20-21)

24 Eshor-na Mosesda hairammi, 2 Thaomei ama atatpa leitana chaktuna leinaba Israelgi mishingda chorphondagi semba asengba thao puraknaba yathang ama piyu. 3 Mitinshanggi manungda leiriba matik mayaigi uronggi phishang adugi manakta Aaronna thaomeidu numidangdagi ayuk youba phaoba Eshor-gi mangda thaduna thamgadoubani. Miron khudingda masi niyam ama oina leihouragadabani. 4 Aaronna Lainingthou Ibungogi mangda mathang manao naina sanagi makhongsingduda haplaga thamgadabani.

5 Nahakna aphaba yam louraga tal taranithoi semgani. Tal amamamda ephah amagi tara thokpagi saruk ani ani oihangadabani. 6 Sanana saba phanduda nahakna talsingdu pareng ani thokna taruk taruk thamgani. 7 Dhup thagadabani. Masidagi thoklakpa manamdu Eshor-gi maphamda meida thaduna touriba thoudugi manamga loinana kakhinaba katkadabani. 8 Matam leibada lenglaroidouba areppa wasakki khudam oina Eshor-gi mamangda Israelgi mishinggidamak Aaronna mathang manao naina potthaba numit khudinggi sinduna thamgadabani. 9 Masida katliba potsingdu Aaron amadi mahakki machanupasinggi oihangadabani. Makhoina masibu asengba mapham amada puthoklaga chaigadabani. Hairiba luksi thoidokna asengba amani. Masi Eshor-gi luktudagi mahakna phangpham thokpani.

Awapham chumna pibagi khudam

10 Matamduda mapana Egyptki mi aduga mamana Israelgi ningolna pokpa nupa amakhakna mapanda thoraklaga Israelgi mishingda wakatlammi. Matangsida Israel ningolgi machasiga Israelgi mi amaga mitinshangda khatnarammi. 11 Israelgi ningolgi machaduna Ibungogi asengba mingdu thina cheirammi. Khudaktumaktada makhoina nupadubu Mosesgi manakta puduna laklammi. Nupasigi mamadu Dan-gi salaida pokpa Dibrina pokpa Selomith koubidu oirammi. 12 Eshor-na kari dandi pigadage haibadu khangdriba phaoba keisumshangda thamlammi.

13 Eshor-na masigi matungda Mosesda hairammi. 14 Eibu cheikhiba nupadu mitinshanggi mapanda puthoklak-u. Mahakna haikhiba wasing taba mishingduna mahakki makokta makhut thamsanu. Masigi matungda maphamduda tilliba mishingduna nungna thaduna hatkadabani. 15 Isrealgi mishingda asumna haiyu: Kanagumba mina masana ningliba Mapu Ibungogi Mamingdu panduna cheirabadi, Cheikhibadugi maheidu mahakna phangjagadabani. 16 Eshor-gi mamingbu thina cheiduna manghanba nupadu hatkadabani. Tilliba miyamduna mahakpu nungna thaduna hatkadabani. Hannadagi leirakpa nattraga lamlanba oirabasu asengba minglendubu thina cheirabadi nungna thaduna hatkadabani. 17 Kanagumba mi hatpa nupadusu hatkadabani. 18 Kanagumba sha-uchek hatpa miduna mahut pigadabani. Punsi amagi mahut punsi amana pinagadabani. 19 Kanagumba nupa amana yumlonnaba nupa amabu makhut makhong soinaihallabadi mahakpusu soinaihangadabani. 20 Tekhallagana tekhanggani. Aduga tanghallagana tanghangani. Yagina ya mahakna mibu soinaihanbagumna mahakpusu soinaihangadabani. 21 sha hatlurabadi shana mahut sinba yai. Mi hatlagana mihatpa nupadu hatkadabani. 22 Wayellonsi hanna leirakpa amadi lamlanba anida amatta oigani. Maramdi nakhoigi napuroi Eshor-du amattani. 23 Asumna Mosesna Israelgi mishingda yathang pikhrabada mapubu cheikhiba nupadubu mapanda puthorakkhi. Mahakpu nungna thaduna hatkhi. Matou asumna Eshor-na Mosesda pibikhiba yathang matung inna Israelgi mishingna pangthokkhi.